泰拉利亞 (Terraria/yue)

請唔好同小動物飼養箱個英文名嘅拉丁語法衍生出嚟嘅雙數字眼混淆。

「
喺你為生存、財富同榮譽而戰嘅同時將世界掌握係你手中。深入探索大型洞穴去摷一啲越嚟越勁嘅敵怪嚟試下自己夠唔夠秤，或者起一座自己專屬嘅城市——喺泰拉利亞嘅世界入面，你擁有無盡嘅自由！
— 泰拉利亞官網（英）

泰拉利亞（taai3 laai1 lei6 ngaa3；/tʰaːi̯˧ laːi̯˥ lei̯˨ ŋaː˧/；英文發音：tə-RAIR-ee-ə^[1] ）係由Re-Logic開發嘅一款電子遊戲。一開始佢喺2011年5月16號上架嘅時候只係可以喺Windows入面運行嘅一隻電子遊戲，但係之後已經陸續擴展去到其他遊戲平台。喺呢個2D動作冒險開放式沙盒平台遊戲入面，玩家會喺一個隨機生成出嚟嘅世界度控制一個角色遊玩。

泰拉利亞同時支援單人同多人遊戲。除咗英文之外，遊戲仲可以以德文、意大利文、法文、西班牙文、俄文、簡體中文、巴西葡文同波蘭文遊玩。呢個遊戲嘅粉絲好多時會將佢同當個創世神（英）相提並論。泰拉利亞亦有相當一部分係受到佢嘅啟發^[2]。佢哋喺玩法上有相似嘅部分，但同時佢哋亦都有十分唔同嘅地方，例如Boss怪同事件等等。

有消息話一個叫泰拉利亞2嘅續作將會係將來推出。曾經有一個叫泰拉利亞：異界嘅外傳遊戲開發緊，但係喺2018年4月12號正式被叫停。

如果計埋付費手機下載量嘅話，泰拉利亞到2024年10月為止喺全球已經賣出超過6070萬份，為全世界總銷量第七高嘅電子遊戲。^[3]

支付方式

泰拉利亞採取「一次支付，後續更新完全免費」嘅運作模式。唔同嘅遊戲版本要價亦都唔同（詳見下方）不過基本上都係喺美金$5-20之間。各種嘅特賣活動有時候會降低價格——最低更曾見過美金$1.99^[4]。有部分平台更會提供試玩版。

除此之外仲有收藏版同特別版。佢哋嘅售價更高，但係會包埋一啲額外嘅記念品。

版本

泰拉利亞響臺機，遊戲機，甚至手機上面嘅複數平台都可供購買；本維基共區分五個版本，包括舊代各版本同以下四個主要版本。

電腦版

電腦版內容係最豐富嘅，幾乎包括所有曾經加入到泰拉利亞裏面嘅嘢。曾幾何時這遊戲淨係得微軟Windows一個版本。響2015年8月12號泰拉利亞正式喺macOS同Linux平台公開發售，令遊戲唔再只係可以喺微軟Windows上面玩^[5]。Windows版本而家喺Steam上面要價美金$9.99。另外喺Steam上面仲提供兩個舊嘅更新版本選擇：無華版同F0irst Final Update。

響本維基之內，有關淨係電腦版先有嘅內容會以圖示或者係呢個橫額作標記：

電腦版專屬內容：呢度入面嘅資訊淨係適用於電腦版嘅泰拉利亞。

最低系統要求

	Windows	MacOS	Linux
作業系統	Windows XP、Vista、7、8、8.1、10、11	OSX 10.9.5 – 10.11.6^{[os 1]}	Ubuntu 14.04 LTS
處理器	2.0 GHz	2.0 GHz	2.0 GHz
內存	2.5 GB	2.5 GB	2.5 GB
硬盤空間	200 MB	200 MB	200 MB
顯示卡	128 MB顯存、支持Shader Model 2.0+ DirectX®：9.0c以上	128 MB顯存、支持OpenGL 3.0+ （加上ARB擴容嘅話2.1都可以）	128 MB顯存、支持OpenGL 3.0+ （加上ARB擴容嘅話2.1都可以）

↑ 雖然可以喺OSX 10.6以上運行，不過遊戲運行嘅問題都幾多。

建議系統要求

	Windows	MacOS	Linux
作業系統	Windows 7、8、8.1、10、11	OSX 10.9.5 - 10.11.6	Ubuntu 14.04 LTS
處理器	Dual Core 3.0 GHz	Dual Core 3.0 GHz	Dual Core 3.0 GHz
內存	4 GB	4 GB	4 GB
硬盤空間	200 MB	200 MB	200 MB
顯示卡	256 MB顯存、支持Shader Model 2.0+ DirectX®：9.0c以上	256 MB顯存、支持OpenGL 3.0+ （加上ARB擴容嘅話2.1都可以）	256 MB顯存、支持OpenGL 3.0+ （加上ARB擴容嘅話2.1都可以）

購買連結（英）

電子遊戲機版

泰拉利亞嘅咁多個電子遊戲機版各有唔同嘅擴張。 Xbox One同埋 PlayStation 4版本嘅遊戲都同電腦版1.4.4.9相同。至於任天堂Switch版本嘅遊戲等同於電腦版嘅1.4.4.9。而 Xbox 360、 PlayStation 3、 PlayStation Vita同埋 Wii U版本嘅遊戲就係等同於電腦版嘅1.2.4.1，仲要冇咗電腦版同手機版上嘅一部分內容。到目前為止呢啲版本亦都冇計劃更新至比1.2.4.1新嘅版本。同時目前Wii U版本已從任天堂商店下架。

響本維基之內， Xbox One，同任天堂Switch嘅版本被叫做「電子遊戲機版」，並用作標記（但係要注意 Switch嘅版本喺版本歷史內容之內有自己嘅分區，用嚟區別返佢同其他主要電子遊戲機版本遊戲嘅分別）。另外仲會用以下嘅橫額嚟指代：

電子遊戲機版專屬內容：呢度入面嘅資訊淨係適用於遊戲機嘅泰拉利亞。

Xbox 360、、同 Wii U版本專屬嘅內容被叫做「舊代電子遊戲機版」，並用標記。另外仲會用以下嘅橫額嚟指代：

舊代電子遊戲機版專屬內容：呢度入面嘅資訊淨係適用於舊遊戲機嘅泰拉利亞。

至於泰拉利亞響日本係由本間覺製作（英）。開發商Spike Chunsoft將泰拉利亞PlayStation 3同Vita嘅版本本地化咗用嚟喺日本發行。佢哋有為呢次發行整咗一波專屬嘅動漫聯動內容（英），包括動漫角色同佢哋嘅時髦飾品。

響本維基之內，專屬於日本電子遊戲機版本嘅內容會用或者係呢個橫額作標記：

日本電子遊戲機版專屬內容：呢度入面嘅資訊淨係適用於日本遊戲機嘅泰拉利亞。

購買連結（英）

手機版

手機版包括Android、Amazon、iOS同Windows Phone版本。目前喺亞馬遜、Android同iOS上面嘅版本係等於電腦版嘅1.4.4.9，而喺Windows Phone上面係等於電腦版嘅1.2.4.1。好似舊代電子遊戲機版噉，Kindle Fire HD同更舊嘅裝置唔會再更新至1.2.4.1以上。而因為微軟已決定中止旗下手機相關業務，Windows Phone版本亦已從微軟商店下架。

響本維基之內，有關手機版專享嘅內容會用或者係呢個橫額作標記：

手機版專屬內容：呢度入面嘅資訊淨係適用於手機嘅泰拉利亞。

購買連結（英）

3DS版

3DS版同手機版1.3.0.7之前嘅版本相似，上面仲保留咗例如天兔等等一啲已經被廢除咗嘅手機版專屬內容。除此之外佢仲包括咗大量由電腦版1.2.1到電腦版1.3.0.1之內嘅內容。佢上架嗰陣有數碼版同實體版可供購買。同電子遊戲機版一樣，日本地區嘅3DS版都由Spike Chunsoft發行。只不過除咗特定語言之外，佢同其他地區發行版本一樣冇任何專屬內容。

響本維基之內，有關3DS版專享嘅內容會用或者係呢個橫額作標記：

3DS版專屬內容：呢度入面嘅資訊淨係適用於3DS嘅泰拉利亞。

3DS版嘅數碼版自從3DS嘅任天堂商店喺2023年3月28號正式關閉時同時下架冇得再買。^[6]

遊戲玩法

嚮森林入面嘅一個新建立角色。

玩家一開始要先創造一個角色同一個世界。當然，你亦都可以先創造複數多個角色同世界；由於世界嘅生成係基於隨機嘅種子值，所以一般嚟講冇兩個世界會係相同嘅。開始遊戲嘅時候，玩家嘅角色會喺佢哋世界嘅正中間生成。佢哋身上面會有防身用嘅銅製短劍一把（Nintendo 3DS 版裏面係一把木劍）、挖礦用嘅銅鎬一把同埋收集木材用嘅銅斧一把。之後遊戲會透過喺你生成點附近生成嘅向導 NPC去畀提示玩家，繼續引導玩家去採集資源（例如礦物），起一個基地去抵抗啲敵怪同跨越遊戲嘅各種挑戰之類。

遊戲入面有多種唔同嘅功能同玩法。大部分嘅時間玩家都可能會喺度探索、起嘢、收集同製作物品（用嚟變強）、釣魚、同同啲敵怪同埋Boss怪戰鬥。作為一個沙盒遊戲，泰拉利亞嘅玩家並唔會話限死喺一個終極目標上面，而係可以自己決定佢哋想做乜嘢。其中一個受歡迎嘅目標就係將自己嘅角色有幾勁整咁勁，然之後打贏遊戲入面最難嘅Boss怪同埋事件，譬如話月帝(Desktop, Console and Mobile versions)。

一個對抗緊海盜入侵事件嘅困難模式玩家。

泰拉利亞同時亦都有多人模式，等複數嘅玩家可以同時係同一個世界入面遊玩。多人嘅遊戲大致可以分為玩家合作去起嘢或者好似單人噉克服挑戰嘅合作類遊戲同埋玩家以玩家或者團隊作為單位進行爭鬥嘅PvP類遊戲。

泰拉利亞嘅時間系統係實時制嘅，同時亦都有晝夜循環系統。喺單人模式入面，只要設定裏面嘅自動暫停(Desktop, Console, Mobile and 3DS versions)選項有被啟用，個遊戲就可以暫停。此外玩家亦可以隨時儲存並離開遊戲，喺之後再重啟，但係要注意嘅係玩家會被傳送返去佢哋嘅生成點嗰度。