礦物 (Ores/yue)

礦物Ores

• 

屬性數值

分類	原材料物品
可放置	✔️
使用冷卻	10（好快）

• 內部圖格ID：6-9, 22, 37, 56, 58, 107-108, 111, 166-169, 204, 211, 221-223, 408

礦物係遊戲進程裏面需要嘅主要原材料物品。佢哋基本上都要先喺熔爐燒成錠之後先至可以用嚟製作必要嘅架生、武器、裝甲同埋其他物品。與此同時有啲物品嘅製作亦都會需要用返原礦本身個方塊，呢啲物品最常見嘅包括磚同藥水。而原礦方塊自己亦都可以用嚟作為裝飾用嘅方塊。

礦物通常都會喺地底層或之下以一脈放好嘅方塊形式出現。礦物需要用鎬或者係鑽去掘。較低等級嘅礦可以喺地表附近嘅泥土入面，又或者係浮空島之內搵到。有啲礦物淨係會喺Boss怪身上面掉落，呢啲Boss怪包括克蘇魯之眼、噬界蟲、克蘇魯之腦、奧古嵐(Old-gen console and 3DS versions)仲有月帝(Desktop, Console and Mobile versions)。

變廢為寶機同釣魚所出嘅板箱隨機開出嚟嘅獎勵亦都可能包括礦物。

礦物有分級數，而一個世界基本上每一等只會出現一種礦物（喺世界生成嘅時候隨機決定）。譬如話一個世界可能會得銅同鐵礦，而另一個世界就淨係得銅同鉛礦（更多資訊可以喺下面嘅表格度揾到）。另外嗰種嘅礦物唔會自動生成，但係有其他方式可以獲得，譬如話透過板箱、額外掉落物(Desktop, Console, Mobile and 3DS versions)或者用變廢為寶機呢啲方式。困難模式嘅礦物種類就係喺玩家摧毀一個祭壇嘅時候決定。

喺醉鬼咗嘅世界(Desktop, Console and Mobile versions)入面，每一等嘅兩種礦物都會生成。

遊戲入面總共有(Desktop, Console and Mobile versions) 21／(Old-gen console and 3DS versions) 20種唔同嘅礦物。

種類

礦物		稀有度	賣出價
	銅礦內部物品ID：12	00*	50 CC
	錫礦內部物品ID：699	00*	75 CC
	鐵礦內部物品ID：11	00*	1 SC
	鉛礦內部物品ID：700	00*	1 SC50 CC
	銀礦內部物品ID：14	00*	1 SC50 CC (Desktop, Console and Mobile versions) 2 SC (Old-gen console and 3DS versions)
	鎢礦內部物品ID：701	00*	2 SC25 CC
	金礦內部物品ID：13	00*	3 SC
	鉑礦內部物品ID：702	00*	4 SC50 CC
	隕石內部物品ID：116	00*	2 SC
	魔腐礦內部物品ID：56	01*	10 SC
	腥紅礦內部物品ID：880	01*	13 SC
	黑曜石內部物品ID：173	00*	-
	火獄石內部物品ID：174	02*	250
	鈷礦內部物品ID：364	03*	7 SC
	鈀礦內部物品ID：1104	03*	9 SC
	秘銀礦內部物品ID：365	03*	11 SC
	山銅礦內部物品ID：1105	03*	13 SC
	精金礦內部物品ID：366	03*	15 SC
	鈦礦內部物品ID：1106	03*	17 SC
	葉綠礦內部物品ID：947	07*	15 SC (Desktop, Console and Mobile versions) / 50 CC (Old-gen console and 3DS versions)
	夜明礦(Desktop, Console and Mobile versions)內部物品ID：3460	10*	30 SC

困難模式前

等	礦物種類	最起碼要用到	製作	來源
1	銅礦 錫礦		3  = 3  =	地表、地底層同洞窟層
2	鐵礦 鉛礦		3  = 3  =	地表、地底層同洞窟層
3	銀礦 鎢礦		4  = 4  =	地底層、洞窟層、浮空島同地表（少有）
4	金礦 鉑礦		4  = 4  =	地底層、洞窟層、浮空島同地表（極少有）
5	隕石		3  =	隕石墜落地
6	魔腐礦 腥紅礦	（(Desktop, Console and Mobile versions)）	: 3  =  : 4  =   : 3  =  : 4  =	克蘇魯之眼、地底層、洞窟層、 噬界蟲（魔腐礦）／克蘇魯之腦（腥紅礦）
7	黑曜石	（(Desktop, Console and Mobile versions)） （(Old-gen console and 3DS versions)）	唔適用	水同熔岩接觸
8	火獄石	（(Old-gen console and 3DS versions)）	3  + =	地獄層

困難模式

等	礦物種類	最起碼要用到	製作	來源
9	鈷礦 鈀礦	（(Old-gen console and 3DS versions)）	3  = 3  =	地底層同洞窟層
10	秘銀礦 山銅礦		4  = 4  =	洞窟層
11	精金礦 鈦礦	（）	: 4  =  : 5  =   : 4  =  : 5  =	洞窟層（約莫熔岩深度倒）、奧古嵐(Old-gen console and 3DS versions)（得精金礦）
12	葉綠礦		: 5  =  : 6  =	地下叢林
13	夜明礦(Desktop, Console and Mobile versions)		4  =	月帝

頭三等嘅困難模式礦物係透過摧毀惡魔或者腥紅祭壇嚟生成。摧毀佢哋需要一個有80%以上鎚力值嘅鎚，譬如話係神鎚。葉綠礦喺困難模式開始咗之後會自己生成，只不過要等到討伐完所有機械化boss怪之後先可以掘。至於夜明礦係唔會自己生成嘅；呢兩種礦都唔會受到祭壇摧毀嘅影響。 呢個內容係由Altars/yue度截取。Altars/yue

• 鈷／鈀嘅生成率大概係精金／鈦嘅兩倍，而秘銀／山銅大概喺佢哋之間。

礦物生成

摧毀祭壇嘅時候生成嘅礦脈數量係用以下嘅算式來決定：

[math]\displaystyle{ \frac{ \left(\mathit{world\ size} \times 310 - \mathit{ore\ tier} \times 85 \right) \times 0.85 }{ \left\lfloor \frac{\mathit{amount\ of\ altars\ destroyed}} {3} \right\rfloor + 1 } \times \mathit{factor} }[/math]

• ⌊數字⌋係下取整函數。
• 世界大細係世界寬度除以肆千貮佰——小世界會出壹，中世界出壹點伍貳肆，大世界出貳。
• 礦物等級係礦物嘅挖掘等級：

礦物種類		取值
鈷礦	鈀礦	0
秘銀礦	山銅礦	1
精金礦	鈦礦	2

• 因數就係取決於礦物嘅種類，令到同一等入面嘅兩種礦物有些許嘅稀有度分別：

礦物種類		取值
鈷礦		1.05
秘銀礦	精金礦	1
鈀礦		0.945
山銅礦	鈦礦	0.9

所以如果某個世界生成咗鈀、山銅同鈦嘅話，佢平均嚟講會比生成鈷、秘銀同精金嘅世界少10%礦物左右。

下面嘅表格係呢條公式運算出嘅結果；如果一個世界入面被摧毀嘅祭壇達到264座，噉之後所有被摧毀嘅祭壇都只會生成一條礦脈。

礦物種類		一座祭壇	兩座祭壇	三座祭壇	四座祭壇	五座祭壇	六座祭壇	七座祭壇	八座祭壇	九座祭壇
	鈷礦	276條礦脈	-	-	138條礦脈	-	-	92條礦脈	-	-
	鈀礦	249條礦脈	-	-	124條礦脈	-	-	83條礦脈	-	-
	秘銀礦	-	191條礦脈	-	-	95條礦脈	-	-	63條礦脈	-
	山銅礦	-	172條礦脈	-	-	86條礦脈	-	-	57條礦脈	-
	精金礦	-	-	119條礦脈	-	-	59條礦脈	-	-	39條礦脈
	鈦礦	-	-	107條礦脈	-	-	53條礦脈	-	-	35條礦脈

• 以上係基於一個小世界計出嚟嘅數值。

啲困難模式礦物會避免喺世界邊緣內100格生成。鈷礦同鈀礦最高可以生成喺地表最底以下。秘銀礦、山銅礦、精金礦同鈦礦都係喺洞窟層生成。前兩隻可以係嗰層嘅最頂生成，但係後兩者可以開始生成嘅高度比前兩者要低。所有嘅礦物亦都會喺世界最底向上數150格左右停止生成，即係大概地獄層嘅四分一深度倒。

已經打爛咗嘅祭壇數目唔會影響所生成礦脈嘅大細。因為礦脈生成有比較大嘅隨機性，呢度亦都好難畀到一個準確嘅最佳礦脈大細值。所以我哋喺下面呢個表格畀出嚟嘅係一個「好彩」同「唔好彩」嘅極端值。平均嚟講，因為有啲礦嘅生成會失敗，礦脈嘅大細應該會係好彩值嘅三到四成左右。

礦物種類		好彩	唔好彩
	鈷礦	103 (34 + 1 )	11 (3 + 2 )
	鈀礦	103 (34 + 1 )	11 (3 + 2 )
	秘銀礦	89 (22 + 1 )	11 (2 + 3 )
	山銅礦	89 (22 + 1 )	11 (2 + 3 )
	精金礦	58 (11 + 3 )	11 (2 + 1 )
	鈦礦	58 (11 + 3 )	11 (2 + 1 )

• 要注意嘅係呢個同運氣(Desktop, Console and Mobile versions)機制無關。

上面已經提到咗有時候礦物嘅生成會失敗；所謂失敗其實就係指個礦物嘗試取代以下任何一種方塊。

• 土石塊
• 石塊
• 魔腐草
• 闇石塊
• 黏土塊
• 沙塊
• 土灰塊
• 泥石塊
• 叢林草
• 蘑菇草
• 聖潔草
• 闇沙塊
• 珍沙塊
• 珍石塊
• 雪塊
• 冰塊
• 紫冰塊
• 粉冰塊
• 生蘚嘅石塊
• 腥紅草
• 紅冰塊
• 腥石塊
• 腥沙塊

除此之外，困難模式嘅礦物亦都唔會生成喺花崗岩塊、大理石塊或者任何嘅硬化沙系列方塊上面，所以你都唔會喺任何無可取代方塊嘅花崗岩洞(Desktop, Console and Mobile versions)、大理石洞(Desktop, Console and Mobile versions)或者係地下沙漠(Desktop, Console and Mobile versions)呢三個生態圈揾到佢哋。

備註

• 遊戲入面並唔認定隕石、黑曜石或者夜明礦為礦物嘅一種。佢哋既冇「礦」呢個字係個名入面，亦都唔可以掘嚟完成「嘩！識閃㗎！」成就（夜明礦亦都唔可以完成「仲加閃炩炩！」）。
• 葉綠礦唔算係「仲加閃炩炩！」成就可以接受嘅困難模式礦物一種。

成就

嘩！識閃㗎！ • 「用鎬去掘出你第一粒嘅礦物。」

第一次去掘礦物。(Desktop, Console and Mobile versions)

Category: Explorer

仲加閃炩炩！ • 「掘出一粒喺你嘅世界被祝福之後出現嘅犀利礦物。」

掘到第一粒困難模式礦物。(Desktop, Console and Mobile versions)

Category: Explorer

光合作用 • 「響秀而繁蔭嘅密林深處掘出一粒有機嘅葉綠。」

掘到第一粒葉綠礦。(Desktop, Console and Mobile versions)

Category: Explorer

小提示

• 雖然話每一種嘅困難模式礦物係喺呢個世界頭三個祭壇嘅被摧毀嘅時候決定，但係你如果喺打爛頭三個祭壇之後喺冇存檔嘅情況底下閂遊戲（例如用工作管理員），你基本上係等於可以「揀」你想要咩礦；如果係喺伺服器上面做仲加簡單，因為可以用exit-nosave指令。
• 除咗火獄石同黑曜石以外嘅礦物都會畀尋寶嗅覺顯示出嚟，所以用佢嚟搵礦物會變得好簡單。火獄石雖然唔會畀呢一個加益狀態顯示，但係就會畀危機感知藥水顯示。至於黑曜石嘅話響熔岩附近搵同整都幾易。
• 用一支板箱藥水會改善得到板箱嘅機率，包括埋裝咗礦物嘅木板箱。
• 如果平時用開例如泥土之類嘅多餘方塊去填滿啲洞穴嘅話，摧毀祭壇嘅時候困難模式礦物就有可能喺入面生成。如果係咁嘅話喺小地圖上面亦都會睇到，所以總而言之就係可以將多餘嘅冇用方塊變成礦物，仲會知道埋佢哋喺邊度。
• 喺Nintendo 3DS版入面，鈀鎬同鑽就已經夠掘精金同鈦金。
• 基本上所有礦物嘅出售價格會同佢哋嘅錠相同或甚至更多。唯一嘅例外係困難模式前最尾幾種礦物（隕石、火獄石、同埋(Old-gen console and 3DS versions)魔腐／腥紅）仲有葉綠；佢哋全部作為錠嚟賣嘅價值都高好多（火獄石同黑曜石冇得作為礦物賣；而黑曜石都冇錠可以整）。
• 想要高速搵到困難模式礦物嘅話有兩種方法，一種係沿住已發現嘅廢棄礦坑軌道(Desktop, Console and Mobile versions)去揾；另一種係沿住地獄層頂去揾，因為呢兩種方式都會使用到延伸好長水平距離嘅大型洞穴系統，自其中長長嘅礦車軌可以幫玩家逃離危險嘅敵人，機械化boss怪前嘅地獄層好少會有困難模式敵怪生成，而且佢哋亦都好易避開。

冷知識

• (Old-gen console and 3DS versions) 火獄石嘅物品圖像只係銀礦嘅改咗顏色啫。
• 火獄石係唯一一種一個世界入面冇辦法無限生成嘅礦物。至於其他礦物嘅無限獲得方法包括利用板箱、變廢為寶機、打Boss怪、複製液體、隕石墜落同埋泥石塊。
  • (Old-gen console and 3DS versions) 葉綠嘅無限生成會受世界入面泥（同土）嘅數量限製，因為冇土石炸彈(Desktop, Console and Mobile versions)嘅存在。
  • 由1.4開始，葉綠礦售價升返上每粒15 SC，啱啱好同佢錠嘅價值持平。
• 夜明礦係最值錢嘅礦物，一粒賣到30 SC。
• 困難模式礦物入面淨係得鈀、鈷同鈦係基於真實嘅金屬命名。
• 夜明礦係唯一一種唔需要用熔爐又或者係困難模式熔爐去製作錠嘅礦物，而係要用到亙古操作器。

如圖所示（左銅右錫），醉鬼咗嘅世界入面同一等嘅礦物可以同時生成。

• 喺一個醉鬼咗嘅世界(Desktop, Console and Mobile versions)入面，所有同一等內嘅礦物都會生成，好似右圖咁樣。

同物異礦缺失嘅情形

雖然大部分由礦物或者係佢哋嘅附屬製品整出嚟嘅物品會有由同等礦物製成嘅對應替代品，但係下面嘅嘢係例外：

銅／錫

• 釣魚釣到嘅錫罐並冇對應嘅「銅罐」存在。
• 就算個世界生成嘅係錫都好，個商人永遠都淨係會賣銅製架生。
• 同上，錫嘅世界入面新生同中核模式角色永遠都會同銅製架生一齊生成。

鐵／鉛

• 雖然困難模式有秘銀板箱嘅存在，但係並冇由此暗示同鐵板箱對應嘅「鉛板箱」存在。
• 雖然鐵甲藥水係噉叫，但係用鐵礦或者鉛礦都可以去整；並冇對應嘅「鉛甲藥水」存在。
• 就算個世界生成嘅係鉛都好，個商人永遠都淨係會賣鐵砧。
• 同上，鉛嘅世界入面地下小屋永遠都淨係會得個鐵砧。
• 同上，鉛嘅世界入面新生嘅旅程模式角色永遠都淨係會得鐵製架生。

金／鉑

• 地底自然生成嘅金箱並冇對應嘅「鉑金寶箱」存在。
• 海盜入侵入面敵怪會掉落嘅金製家私並冇對應嘅「鉑金家私」存在。
• 同上途徑攞到嘅金戒指並冇對應嘅「鉑金戒指」存在。
• 金粉同埋佢衍生嘅物品以及相關加益狀態同減益狀態亦都冇對應嘅鉑版本存在。
• 金版嘅小動物並冇對應嘅鉑金版存在。
• 金鯉魚並冇對應嘅「鉑金鯉魚」存在。
• 雖然困難模式有鈦金板箱嘅存在，但係並冇由此暗示同金板箱對應嘅「鉑金板箱」存在。
• 雖然礦物嚟講金同鉑都係同一等級，但係鉑金幣高過金幣一級。

鈷／鈀

• 亙古鈷藍裝甲並冇對應嘅「亙古鈀金裝甲」存在。
• 鈷盾並冇對應嘅「鈀盾」存在。

秘銀／山銅

• 雖然困難模式前有鐵板箱嘅存在，但係並冇由此暗示同秘銀板箱對應嘅「山銅板箱」存在。

精金／鈦

• 雖然困難模式前有金板箱嘅存在，但係並冇由此暗示同鈦金板箱對應嘅「精金板箱」存在。

歷史

 電腦版

• 電腦版1.4.0.1：提升魔腐礦、腥紅礦同埋葉綠礦嘅售價。

• 電腦版1.3.0.1：
  • 更新咗某啲嘅礦物圖像。
  • 加入夜明礦。

• 電腦版1.2.3：
  • 礦物而家可以沓到去999粒。
  • 葉綠礦變得稀有咗同埋生得慢咗。
  • 困難模式礦物嘅生成率稍微降低。

• 電腦版1.2：
  • 加入咗八種可取代嘅礦物，按等級低至高排包括錫礦、鉛礦、鎢礦、鉑礦、腥紅礦、鈀礦、山銅礦同埋鈦礦。
  • 加入葉綠礦。

• 電腦版1.1：加入困難模式礦物：鈷礦、秘銀礦同埋精金礦。

• 電腦版1.0.2：而家掘石頭同埋其他硬嘅嘢會有「叮」一聲。

• 電腦初版：加入銅礦、鐵礦、銀礦同埋金礦；另外仲有火獄石、黑曜石同埋隕石。

 電子遊戲機版

• 電子遊戲機版1.0.933.1：引入PS4嘅1.0.750.0更新。()

• 電子遊戲機版1.0.750.0：()
  • 更新咗某啲嘅礦物圖像。
  • 加入夜明礦。

• 電子遊戲機版1.06：
  • 礦物而家可以沓到去999粒。
  • 葉綠礦變得稀有咗同埋生得慢咗。
  • 困難模式礦物嘅生成率稍微降低。

• 電子遊戲機版1.02：加入咗電腦版1.2嘅礦物。

• 電子遊戲機初版：加入咗礦物同埋掘嘢聲。
  • 困難模式前礦物：銅礦、鐵礦、銀礦同埋金礦；火獄石、黑曜石同埋隕石。
  • 困難模式礦物：鈷礦、秘銀礦同埋精金礦。

 手機版

• 手機版1.2.11212：
  • 礦物而家可以沓到去999粒。
  • 葉綠礦變得稀有咗同埋生得慢咗。
  • 困難模式礦物嘅生成率稍微降低。

• 手機版1.2.6508：加入咗電腦版1.2嘅礦物。

• 手機版1.1.5536：加入困難模式礦物：鈷礦、秘銀礦同埋精金礦。

• 手機初版：加入銅礦、鐵礦、銀礦同埋金礦；另外仲有火獄石、黑曜石同埋隕石。掘礦聲亦都被加入。

Nintendo 3DS版

• 3DS初版：以電腦版1.2.3嘅挖掘聲同埋生成機制為基礎加入。
  • 困難模式前礦物：銅礦、錫礦、鐵礦、鉛礦、銀礦、鎢礦、金礦同埋鉑礦；火獄石、黑曜石同埋隕石。
  • 困難模式礦物：鈷礦、鈀礦、秘銀礦、山銅礦、精金礦、鈦礦同埋葉綠礦。